ЈАС И МОЕТО СЕМЕЈСТВО

 

Почитувани родители,

 

15-ти мај е Меѓународен ден на семејството, а воедно и роденден на нашата градинка Буба Мара. Поради тоа сакаме да изработите една активност дома, сите заедно како семејство. Треба да учествуваат сите членови од семејството, секако може да се вклучат и баба и дедо.

 

Ајде да се нацртаме сите заедно, еден со друг.

Седнете во круг долу на подот или на маса еден до друг. Секој да го црта членот што седи од десната страна од себе. Изберете ја својата омилена боја (секој сам да бира и да не се наметнува нешто лично на другиот, се со цел секој да си ја покаже својата креативност) и забавата може да почне. 

 

Не е важно каков е цртежот, важна е забавата и насмевката која сигурно ќе биде присутна на сечие лице.

Уживајте во семејната активност и секојдневно поттикнувајте ја тимската работа во домот.

 

Домашните активности ја зацврстуваат врската родител-дете. Вие бидете пример за Вашето дете. Не е важно колку време ќе поминете со детето во текот на денот, важно е тоа време да биде квалитетно поминато, зошто истото е многу корисно за здрав раст и развој кај децата.

 

П.С. Цртежите да се донесат во градинка најдоцна до 14-ти мај. Изложбата на истите ќе биде на 17-ти мај (понеделник).

 

Со почит, 

соц.раб. Биљана Николовска Трајановска од ЈУДГ„Буба Мара“