Новогодишна ЕКО работилница за деца и родители

Почитувани родители

ЈУДГ Буба Мара ви најавува:

Новогодишна ЕКО работилница за деца и родители.

Поттикнати од целта која ни е поставена во програмата на Советувалиштето за родители и деца „Мал свет, големи срца“, веруваме дека оваа еко работилницата ќе ја зајакне врската родител-дете а воедно ќе роди плод на полето на Екологијата.

По тој повод почитувани родители и Вие драги дечиња бидете креативни и изработете го најинтересниот, најуникатниот новогодишен лампион од рециклиран материјал.

Употребувајте пластични шишиња, конзерви, картон, хартија, пластика и се она што мислите дека не ви е потребно а може да се искористи токму за оваа активност.

Откако ќе го изработите лампионот, истиот ќе го донесете во градинка најдоцна до 20-ти Декември.

Сите деца заедно ќе украсат една елка во дворот на објектот на градинката.

Од лампионите кои се изработени дома ќе избереме и НАЈ ЕКО ЛАМПИОН за 2021 година.

Покажете ја вашата уникатност и креативност, уживајте во времето поминато со Вашите дечиња, сите заедно, целото семејство кон изработка на уникатен ЕКО ЛАМПИОН ЗА 2021.

Времето поминато со семејството е драгоцено.